Ли Владимир Викторович
«Облыстық жедел медициналық жәрдем станциясы» ересектер мен балаларға өмірге қауіп төндіретін жағдайлар, жазатайым оқиғалар, өткір ауыр аурулар кезінде оқиға орнында да, жолда да тәулік бойы жедел медициналық көмек көрсететін Дербес емдеу-алдын алу мекемесі болып табылады.
Семей қаласының Жедел медициналық жәрдем станциясының тарихы 1954 жылы, Семей қаласының Жедел медициналық жәрдем қызметі алғаш рет орталық емхана құрамында ұйымдастырылған кезде басталды. Шақыртуларға Жеке ат арбаларында қызмет көрсетілді, автокөлік болмады, ал жедел жәрдем пунктіне жақын орналасқан мекенжайлар бойынша жаяу жүрді. Жедел медициналық жәрдемнің құрамына тек бір ғана дәрігерлік бригада кірді.
Семей қ.жедел медициналық жәрдем станциясы дербес емдеу мекемесі ретінде 1959 жылы 16 желтоқсанда ашылды.
Қазіргі уақытта «Семей қаласының Жедел медициналық жәрдем станциясы» ШЖҚ КМК-ны Владимир Викторович Ли басқарады, ол ШҚО Денсаулық сақтау басқармасының 25.05.2021 жылғы №58-л бұйрығымен тағайындалды.
Владимир Викторович Ли, 15.12.1972 жылы туған, Семей облысы, Семей қаласында туған, Қазақстан Республикасының азаматы.
1990 жылдан 1996 жылға дейін Семей мемлекеттік медициналық институтының емдеу факультетінде оқыды, бітіргеннен кейін дәрігер-емдеуші мамандығын алды.
2012 жылдан 2014 жылға дейін ҚР ДСМ "Қоғамдық денсаулық сақтау Жоғары мектебінде" оқыған. Оқуды бітіргеннен кейін "қоғамдық денсаулық сақтау"мамандығы бойынша іскерлік әкімшілік магистрі академиялық дәрежесі берілді.
27 жыл бойы (1994 ж. қараша айынан 2021 ж. дейін) Семей қ.жедел медициналық жәрдем станциясының бас дәрігері қызметін Николай Васильевич Мантлер атқарды.
Оның басшылық еткен жылдары жедел медициналық жәрдем станциясы өз дамуында үлкен табыстарға жетті: 2015 жылға дейін Семей қ.ЖМЖС 72 кварталда орналасқан ескі, Қамысты ғимаратта орналасты, 2015 жылы Семей қ. жедел медициналық жәрдем станциясы Орманды көшесі 32/1 бойынша қазіргі заманғы үлгілік ғимаратқа көшті.
2010 жылы Семей қаласының ЖМЖС құрамына санитариялық авиация бөлімшесі ауысты. ШҚО ДСБ 28.01.2019 ж. №35 "облыстың аудандары мен қалаларында жедел медициналық жәрдем қосалқы станцияларын құру туралы"бұйрығына сәйкес 2019 жылы Семей қ. ЖМКС құрамына Абай, Аягөз, Бородулиха, Жарма, Үржар аудандарының және Курчатов қ. және Шар қ. жедел медициналық жәрдем бөлімшелері кірді.
Станция құрамында екі қосалқы станция ұйымдастырылған: орталық станция қаланың оң жағалауындағы тұрғындары мен қонақтарына қызмет көрсетеді және Әуезов станциясы қаланың сол жағалауындағы тұрғындары мен қонақтарына қызмет көрсетеді. 2010 жылы Семей қ. ЖМЖС құрамына медициналық авиация бөлімшесі ауысты.
ШҚО ДСБ 28.01.2019 ж. №35 "облыстың аудандары мен қалаларында жедел медициналық жәрдем қосалқы станцияларын құру туралы"бұйрығына сәйкес 2019 жылы Семей қ. ЖМКС құрамына Абай, Аягөз, Бородулиха, Жарма, Үржар аудандарының және Курчатов қ. және Шар қ. жедел медициналық жәрдем бөлімшелері кірді.
Орталық қосалқы станцияның құрамына жедел бөлім кіреді.
Николай Васильевич Мантлер өз ісінің маманы, тамаша ұйымдастырушы және Семей қ.жедел медициналық жәрдем станциясының барша ұжымының сүйікті адамы болды. Ол кез-келген қызметкерге: дәрігерлерге, фельдшерлерге, жүргізушілерге, техникалық қызметкерлерге мұқият болды, әрқайсысы оның атынан қолдау мен қамқорлық сезінді.
Жыл сайын Семей қаласының ЖМЖС бригадалары Нұр-сұлтан қаласының Ұлттық шұғыл медицинаны үйлестіру орталығы және республикалық жедел медициналық көмек қауымдастығы өткізетін жедел медициналық көмек бригадаларының республикалық жарыстарына қатысады.
2017 жылы жедел медициналық жәрдем бригадаларының II Республикалық жарысында Семей қ. ЖМЖС командасы құрметті III орын алды.
2015 жылғы 28 желтоқсанда Семей қ. жедел медициналық жәрдем станциясының жаңа ғимаратының салтанатты ашылу рәсімі өтті.
Біздің өңір көптеген жылдар бойы заманауи құрылғылармен жабдықталған, жаңа типтік жедел медициналық жәрдем станциясына мұқтаж болды. 2011-2015жылдарға арналған «Саламатты Қазақстан» Денсаулық сақтауды дамытудың Мемлекеттік Бағдарламасын іске асыру аясында, құрылысы 2013 жылы басталған, бөлінген сома 1 миллиард 538 миллион 278 мың теңгені құраған, Семей қ. жедел медициналық жәрдем станциясының жаңа типтік ғимараты салынды. Алынған құрылғылар барлық әлемдік стандарттарға сай, ол – өкпені жасанды желдетудің заманауи аппараттары, КИ-3М оттегі ингаляторлары, Дефибриллятор-мониторлар ДКИ-Н-10 Аксион, Небулайзерлер (Omron compare C28), диагностикалық электрокардиостимуляторлар, Электрокардиографтар ЭК12Т модель Альтон-103 және басқа көптеген.
Жедел медициналық жәрдем станциясының жаңа типтік ғимараты үш корпустан тұрады, оның біреуі – әкімшілік. Қазір жедел жәрдемнің «жүрегі» - диспетчерлік қызмет жүйелі навигациямен жабдықталған кең үй-жайда орналасқан. 150 орындық үлкен сыйымды заманауи мәжіліс залы бар. Жедел медициналық жәрдем станциясының жаңа типтік ғимаратында жедел және шұғыл медициналық көмек көрсету бойынша кәсіби біліктіліктерін жетілдіруге үшін оқулар өткізуге арналған заманауи оқу бөлмелері жабдықталған.
2010 жылғы қазанда аккредитация рәсімі өткізілді. Станцияда тегін медициналық көмектің кепілдендірілген көлемін көрсетудің мемлекеттік тапсырысын орындаудан басқа, ақылы медициналық қызмет көрсетіледі. Ақылы қызмет көрсету сұрақтары жөнінде станцияның жедел бөліміне немесе ұйымның сайтына хабарласып білуге болады.
Мекенжайы: Қазақстан Республикасы, Абай облысы, Семей қ., Орманды к-сі 32/1; 071400.
Телефакс: 8 (7222) 51-45-54
E-mail: 103.semey@med.mail.kz
Сайт: www.103semey.kz
Жедел бөлімнің телефоны: 8 (7222) 51-68-06; 8 (7222) 51-61-23; факс 8 (7222) 51-67-19
Сенім телефоны: 8 (7222) 51-67-19.
